మొత్తం ఎనిమిది భాషల్లో నీట్

 మొత్తం ఎనిమిది భాషల్లో నీట్

👉న్యూఢిల్లీ: మెడికల్ ప్రవేశాలకు దేశ వ్యాప్తంగా నిర్వహించే నేషనల్ ఎలిజిబిలిటీ కమ్ ఎంట్రెన్స్ టెస్ట్(నీటీ-యూజీ) విధానాన్ని కేంద్రం ఖరారు చేసింది.

మొత్తం ఎనిమిది భాషల్లో ఈ పరీక్షను నిర్వహించాలని నిర్ణయించింది. 2017-18 అకాడమిక్ ఇయర్ నుంచి ఈ విధానాన్ని అమలు చేయనున్నారు.

కేంద్ర ఆరోగ్యం, కుటుంబ సంక్షేమ శాఖ మంత్రి జీపీ నడ్డా ఆయా రాష్ట్రాలతో సంప్రదింపులు జరిపిన అనంతరం దీనిని ఖరారు చేశారు.
వారు తీసుకున్న నిర్ణయం ప్రకారం హిందీ, ఇంగ్లిష్, గుజరాతీ, మరాఠీ, బెంగాలీ, అస్సామీ, తెలుగు, తమిళ భాషల్లో ఇక జాతీయ అర్హత ప్రవేశ పరీక్ష నిర్వహించనున్నారు.

 దీంతోపాటు నీట్కు అర్హత పొందిన అభ్యర్థి ఆలిండియా కోటాలోనే కాకుండా రాష్ట్రంలోని విద్యాసంస్థల్లో ఉండే ఇతర కోటాల కింద కూడా సీటు పొందేందుకు అర్హత కలిగి ఉంటాడు.
మొత్తం 18 రాష్ట్రాలు, కేంద్రపాలిత ప్రాంతాలతో ఈ ఏడాది మే నెలలో నీట్ నిర్వహణ గురించి కేంద్ర ఆరోగ్య శాఖ ఆధ్వర్యంలో సమావేశం నిర్వహించి అభిప్రాయాలు సేకరించారు. వాటన్నింటిని క్రోడికరించి కేంద్రంలోని వైద్యశాఖ కు చెందిన సీనియర్ అధికారులతో సంప్రదింపులు జరిపిన అనంతరం ఈ నిర్ణయం అమలు చేయబోతున్నారు.